Mikukvøldið loysti Gitte Henning I úr Runavík. Teir fóru á makrelveiðu, og tí var kósin sett norðum Føroyar, har fleiri skip royna eftir makreli.

Áðrenn teir loystu, var andakt umborð, sum siðvenja er, serliga áðrenn fyrsta túr.
Sjómanstrúboðarin og Ove Brim prestur høvdu andaktina. Signingin frá 4 Mósubók 6.24 eisini var lýst.
Sangurin rungaðu, meðan Eilif spældi undir á keyboard.
Til seinast vóru teir heilsaðir við:
“Góðan túr, og Jesus fylgi tykkum!”
So var kaffi, vinarbreyð og annað gott til matna.

Sera nógvar samanplantingar komu umborð sum vælkomstheilsannir, tá skipið kom.
Fleiri teirra sluppu ikki við fyrsta túrin, so tær máttu í land.
Tær vóru so mikið nógvar, at tær “regnaðu á Ova prest og dryppaðu á sjómanstrúboðarin”
Sagt var skemtandi – at konur teirra skuldu fáa tær.

Sjómansmissiónin ynskir teimum og sjófólkunum annars Guds signing og varðveitslu.

Tað skrivar Føroyska Sjómansmissiónin

mynd TJ myndir eigur myndina

fleiri myndir eru her https://www.facebook.com/sjomansmissionin/photos/pcb.2473452186035646/2473449762702555/?type=3&theater