Eirikur Lindenskov má sigast at vera ein gløggur politiskur eygleiðari og góður viðmerkjari. Hann skrivar í morgun á IN.fo:

Málsøkjabýtið kann saktans eisini vera ein tungur burður, og ikki minst málið um, hvør skal vera løgmaður. Nátúrliga eigur Fólkaflokkurin sum nógv størsti flokkurin í komandi borgarligu samgonguni løgmann. Fólkaflokkurin fekk 1.416 atkøvður fleiri enn Sambandsflokkurin. Tað er tað sama sum 4,2 prosentstig fleiri.

Sum skilst góðtaka tingfólk í Sambandsflokkinum og Miðflokkinum ikki, at Jørgen Niclasen verður løgmaður. Tað er ein trupulleiki, sum skal loysast, og sum kann gerast kynkur í samgongusamráðingunum.

Eirikur leggur aftrat: Ikki er greitt, hvussu stóran dent Fólkaflokkurin leggur á at fáa løgmann.

Tann áhugaverda metingin hjá Eiriki kann lesast her: https://www.in.fo/news-detail/news/samgonguskjalid-naerkast-malsoekjabytid-eftir/

Í morgun fara teir tríggir flokkarnir aftur undir samráðingar um at skipa samgongu.