P/F Fiskaaling hevur í langa tíð havt lívfiskaaling við Áir og í Skopun, og nú er lívfiskaloyvið hjá fyritøkuni við Áir endurnýggja fram til 31. desember 2021.

Fiskaaling hevur trý aliloyvi tilsamans. Tey eru lívfiskaloyvið við Áir, lívfiskaloyvið í Skopun og eitt loyvi á landi í Nesvík til royndaraling av m.a. marinum fiskasløgum, akvakulturdýrum og tara.

Loyvini hjá Fiskaaling í Skopun og í Nesvík ganga bæði út í 2024.

skrivar hfs.fo 

Um Fiskaaling.
P/F Fiskaaling er skipað sum partafelag, sum Føroya landsstýri eigur. Endamál felagsins er, smb. Løgtingslóg nr. 73 frá 25. mai 2009:

at granska, menna og ráðgeva innan aling av vatnlivandi djórum og plantum og innan biotøkni
at reka vinnuligt virksemi innan hetta virkisemisøki og
annað starv í hesum sambandi.
Visjónin er: VITAN TIL VARANDI ALING

Tí arbeiðir Fiskaaling við langsiktaðari og dygdargóðari gransking, sum hevur til endamáls at uppbyggja vitan á altjóða støði til varandi aling. Hetta arbeiði skal koma alivinnuni – og harvið eisini føroyska búskapinum sum heild til góðar.

Sum óheft fyritøka skal Fiskaaling veita tænastur, sum alivinnan kann gagnnýta í alivirkseminum. Tann vitanin, sum Fiskaaling uppbyggir, er eisini við til at vísa fyri umheiminum, at føroyskar fyritøkur virka eftir altjóða krøvum innan fyri røkt, framleiðslu, umhvørvi og burðardygd.

Granskingararbeiðið á Fiskaaling hevur sostatt til endamáls at menna vitan um aling og viðurskifti, ið kunnu setast í sambandi við aling og teir karmar, alingin virkar í. Serligur dentur verður lagdur á vitan, ið kann menna eina varandi føroyska aling.

Fiskaaling hevur trý aliloyvi, ið eru knýtt at framleiðslueindunum hjá Fiskaaling í ávikavist Skopun, við Áir og í Nesvík.

stendur at lesa á heimasíðuni hjá Fiskaaling.