Opec væntar minni vøkstur í oljunýtsluni
Í gjár, mikudagin, lækkaði Opec vakstrarforsøgnina fyri eftirspurning eftir olju í 2020. Mett verður, at lægri ferð á búskaparliga vøkstrinum, stríðið millum USA og Kina – og Brexit, verða beinleiðis orsøkin.
Opec meinar, at eftirspurningurin eftir olju fer at hækka við 1,08 milliónum føtum um dagin, og tað eru 60.000 færri føt um dagin enn forsagnir higartil hava roknað við, skrivar Reuters.
Uppbremsingin í búskaparliga vøkstrinum, stríðið millum USA og Kina – og Brexit, kann trýsta eftirspurningin niður.
- Hetta prógvar samlaðu ábyrgdina hjá øllum oljuframleiðandi londum at stuðla støðufestið á marknaðinum, stendur í nýggju forsøgnini sambært Reuters.
Opec, Russland og onnur oljuframleiðandi lond hava síðan 1. januar avrátt at framleiða 1,2 milliónir færri føt av olju um dagin enn higartil.
Kelda: Shippingwatch/Reuters og www.antares.fo
Mest lisið í farnu viku
Samband
Heygsvegur 8
490 Strendur