Mánadagin 16.

Strúkur í vindi av vestri gangandi upp í útn, 10-12m/s, regn av og á og hitin 8-10 stig

Týsdagin 17.

Strúkur í vindi 12 m/s um morgunin av útn við ælaveðri, seinni minkar hann niður í gul 3-5 m/s av útn.n, sólin sær tað mesta av degnum, turt og hitin um 8-9 stig

Ónsdagin 18.

Lot millum norðan og eystan 2-3 m/s og turt, seinri eystan og lands upp í andøvsgul 7-8 m/s og regn. Hitin um 8 stig.

Tórsdagin 19.

Sunnan snarandi í úts, 6-12 m/s, regn fyrrapartin og hitin 9-11 stig.

Fríggjadagin 20.

Úts 11-13 m/s, regn um morgunin, mest skýggja og hitin 11-12 stig

Leygardagin 21.

Úts.s. 10-12 m/s, turt og sólin er frammi fyrrapartin og hitin 12 stig

Sunnudagin 22.

Mest sunnan minkandi frá 11 niður í 5 m/s, regn seinnapartin og um kvøldið og hitin um 12 stig.

Samanumtikið:

Rættiliga lýtt veður, men ikki nógvur vindur, fyri ein stóran part úts upp í 12 m/s og skiftandi millum sól og regn onkrar dagar.

Veðurtekn:

Sandoyingar hava altíð borið orð fyri at vera eitt skemtiligt fólkaslag, og tað kemur eisini til sjóndar í fyrsta veðurtekni í heyst: Eg vitjaði í Dali beint áðrenn ólavsøku, og har sá eg ein veðurstein lagaður inn í ein garð. Á hesum steini las eg:

Heitur steinur – sól

Vátur steinur – regn

Kaldur steinur – frost

Hvítur steinur – kavi

Óróligur steinur – vindur

Steinurin vekk – ódn

Tveir steinar – tú er fullur

Um veðrið á Ovarugøtu kl. 7 í morgun segði Petur Hans Dahl : Úts 12 m/s, turt og smáskýggja og hitin 8 stig.