Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Eg síggi onga meining í at útbúgva fólk til lærarayrkið, sum ikki kunnu brúka útbúgvingina

Innanlands, Lesarabrøv | 16/09-2019 13:00

Tað skrivar Jacob Eli S. Olsen, formaður í Føroya Lærarfelag í dag.

Vit útbúgva ov nógvar lærarar
- Tey flestu, sum ikki fáa lærarastarv alt fyri eitt, velja sær aðra leið, og tað merkir, at tey leita sær burtur frá fólkaskúlanum. Eg síggi onga meining í at útbúgva fólk til lærarayrkið, sum ikki kunnu brúka útbúgvingina har, sigur Jacob Eli S. Olsen, formaður Føroya Lærarafelags.16. september 2019

Í ár og í fjør hevur meginparturin av nýútbúnu lærarunum fingið lærarastarv, tó teir flestu hava ikki fingið fulla tímatalvu. Teir flestu søkja øll størvini í økinum, har teir búgva, og teir flestu boða frá, at tað er ein avbjóðing av fáa starv. Soleiðis hevur gongdin verið í fleiri ár, og tað er nógv, ið bendir á, at tað fer ikki at gerast lættari at fáa lærarastarv í framtíðini. Á skrivstovuni hjá Føroya Lærarafelag í Pedda við Stein gøtu í Havn verður fylgt væl við gongdini.

- Tað verða útbúnir fleiri lærarar, enn tað eru lærarar, sum fara frá, og tað hevur Lærarafelagið víst á í fleiri ár. Gongdin hevur verið soleiðis í nøkur ár, at tað fara færri lærarar frá, enn tað verða útbúnir lærarar, og henda gongdin fer at halda á og enntá gerast verri fyri teir nýútbúnu, tí komandi árini fer talið á lærarum, sum fara frá um 63-64 ára aldur, á minka munandi. Tað eru bara umleið 70 tænastumannasettir lærarar eftir í skúlaverkinum, og tað eru bara tænastumenn, sum kunnu fara frá um 63-64 ára aldur við eftirløn. Teir sáttmálasettu lærararnir skulu arbeiða, til teir eru 67 ár, fyri at kunna fara frá við eftirløn, sigur Jacob Eli S. Olsen.

Hóast allir nýútbúnu lærararnir ikki fáa starv, so eru ikki nógvir arbeiðsleysir lærarar, men tað kemst av, at lítið og einki arbeiðsloysi er í landinum.

- Fólk við læraraprógvi, sum ikki fáa starv í skúlanum, finna sær starv aðrastaðni, men orsøkin til, at tey velja at lesa til lærara, er, at tey vilja arbeiða sum lærari. Námsvísindadeildin eigur ikki at taka fleiri læraralesandi inn, enn tørvurin er. Á hvørjum ári verða 35 lesandi tikin inn á læraraútbúgvingina. Hóskandi tal hevði verið 24, sum tað var fyrr, haldi eg. Samfelagið hevur ikki gagn av, at vit útbúgva fleiri lærarar, enn tørvurin er. Onkur hevur skotið upp at leypa ár um og ikki taka lesandi inn, men tað haldi eg ikki er ein góð loysn fyri læraraskúlan, tí tað skapar ólag á útbúgvingartilboðið.

Á hvørjum ári síðstu árini hava tað verið einir 3-6 nýútbúnir lærarar, sum ikki hava fingið starv, tá ið ein stutt tíð er fráliðin eftir lokið prógv. Fær nýútbúni lærarin ikki starv beint eftir loknan lestur, so eru útlitini fyri at fáa starv seinni, ikki góð.

- Hjá onkrum einstøkum nýútbúnum lærara eydnast tað at fáa starv eina tíð eftir, at viðkomandi hevur fingið prógv, men tað er sera trupult, og avbjóðingin verður alla tíðina størri, tí nýútbúnir lærarar koma til á hvørjum ári. Tey flestu, sum ikki fáa starv alt fyri eitt, velja sær aðra leið, og tað merkir, at tey leita sær burtur frá fólkaskúlanum. Eg síggi onga meining í at útbúgva fólk til lærarayrkið, sum ikki kunnu brúka útbúgvingina har. Tað kostar samfelagnum pengar at útbúgva fólk.

skulabladid.fo


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Partabrøv til starvs­fólk hjá Bakkafrosti
Samrøða við Rannvá G. Niclasen um mótmæli og korona í New York
Úr bandasavni­num: Samrøða við Dávur Jacobsen 3. partur
Svimji- og baðoasa í Tjaldavík
Jens Andreassen settur sum yvirlækni á Lands­sjúkra­húsinum
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Sjófólk sleppa ikki í land aftur
Tíðindi á R7 klokkan 12:00
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Norð­oyastevna á netinum
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi