Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Yvirlýsing: Samhaldsfasti riggar og skal hava frið

Innanlands | 17/09-2019 12:20

Samhaldsfasti er ein sólskinsøga og riggar væl. Útgjaldið í dag er 5.590 kr um mánaðin, og tað er eitt gott ískoyti hjá øllum pensjónistum. Øll rinda, og øll fáa – ongin verður settur eftir, og ongin skal setast eftir.

Nú nýggj samgonga er skipað, hoyra vit, at ætlan er at fara eftir Samhaldsfasta og blanda grunnin saman við tí almennu pensjónini.

Í samgonguskjalinum stendur hetta:

“Fyri at tryggja núverandi og framtíðar pensjónistar verður ein aldurstrygdargrunnur settur á stovn, har allar almannapensjónir verða útgoldnar við eini skattafríari grundarupphædd og eini skattskyldugari viðbót. Hetta fer at geva pensjónistum, ið onga aðra inntøku hava, eina munandi hækking av tøkum peningi.

Mótrokningin fyri arbeiðsinntøku skal broytast, so tað veruliga fer at loysa seg at arbeiða.“

Síðani hetta var kunngjørt, hava verið nakrar ullintar útsagnir frá samgongutinglimum um Samhaldsfasta.

Um landið ætlar at gera broytingar í síni pensjón og viðbót, so teir við lægstu inntøkunum fáa meir, kann landið gera tað – hetta taka feløgini fult undir við – eisini at tað skal loysa seg at arbeiða, og tað ger tað eisini – men hetta skal ikki gerast við at fara eftir tí partinum av pensjónsskipanini, sum virkar væl. Samhaldsfasti riggar væl og er eitt týðandi íkast hjá øllum pensjónistum í dag.

Grunnurin fór at virka í 1992 í ringastu kreppuárum, tí tað vóru víðskygdir politikarar úr øllum flokkum, sum sóu, hvussu neyðugt tað var at hava ein arbeiðsmarknaðargrunn afturat almennu pensjónini og møguligari persónligari eftirløn.

Partarnir á arbeiðsmarknaðinum hava umsitið grunnin ábyrgdarfult frá byrjan, og hetta sæst aftur í dag.

Samhaldsfasti hevur prógvað sítt virði og er fyri øll – tað skal hann framhaldandi vera. Boðskapurin frá feløgunum er greiður – haldið fingrarnar vekk frá Samhaldsfasta.

Feløgini biðja við hesum um fund við løgmann og landsstýrismannin við fíggjarmálum, so greiða kann fáast á hesi fløkju.

Óluva í Gong, forkv. Felagið Føroyskir Sjúkrarøktarfrøðingar

Georg F. Hansen, form. Føroya Arbeiðarafelag

Jan Højgaard, form. Føroya Fiskimannafelag

Jacob Eli S. Olsen, form. Føroya Lærarafelag

Jógvan Philbrow, form. Føroya Pedagogfelag

Vigdis Johannesen, forkv. Havnar arbeiðskvinnufelag

Jastrid Niclasen, forkv. Klaksvíkar Arbeiðskvinnufelag

Arthur Guðjonsson, form. Klaksvíkar Arbeiðsmannafelag

Súni Selfoss, form. Starvsmannafelagið

 


Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Sjófólk leypa fyri borð av reikferða­skipum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Arbeiðsvanlukka kravt eitt mannalív
Hvagar eru vit á veg?
Partabrøv til starvs­fólk hjá Bakkafrosti
Jens Andreassen settur sum yvirlækni á Lands­sjúkra­húsinum
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Úr bandasavni­num: Samrøða við Dávur Jacobsen 3. partur
Tíðindi á R7 klokkan 12:00
Samrøða við Rannvá G. Niclasen um mótmæli og korona í New York
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Sjófólk sleppa ikki í land aftur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi