Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Aksel V. Johannesen; Ongin ógoldin rokning í Tinganesi

Innanlands, Lesarabrøv, Politikkur | 17/09-2019 12:40

Fólkaflokkurin hevði ongan livandi kjans at halda øll tey garrvillu vallyftini, sum vórðu givin áðrenn valið. Veljarin er lumpaður, og undanfarna samgonga fær skuldina. Men eg kann vissa um, at tað liggur ongin ógoldin rokning í Tinganesi - tað er vánalig undanførsla. 


Nú valið er av, og nýggj samgonga hevur skipað seg, letur veruleikin seg upp fyri veljaranum. Vallyftini, sum vóru givin undan valinum, kunnu nú ikki haldast orsakað av ógoldnum rokningum. Nýggja samgongan gevur fólki eina fatan av, at har er ein skuffa úti í Tinganesi full av óupplatnum brævbjálvum, sum nú forðar samgonguni í at fara til verka. Hetta er ikki rætt. Har er ongin ógoldin rokning í Tinganesi. Hetta er vánalig undanførsla. 


Ómøguligt at halda lyftini

Tað, sum nýggja samgongan helst meinar við, er at ein eykajáttan kemur í heyst. Tað er fastur táttur, at ein eykajáttan kemur um heystið, og soleiðis verður helst eisini í ár. Men inntøkuvøksturin higartil í ár er fleirfaldaður upphæddina á eini møguligari eykajáttan. Tí er hetta ongin umbering hjá samgonguni fyri ikki at halda síni lyftir. Tey, sum nú sita í samgongu, vita væl, at tað er ongin kjansur at halda øll tey garrvillu vallyftini, sum Fólkaflokkurin lat veljarunum. Lyftini vóru ikki fíggjað, og hetta vistu bæði Jørgen, Jenis og Bárður líka væl áðrenn valið sum nú.


Tað, sum nú vísir seg, er tað akkurát tað, sum bleiv sagt umaftur og umaftur í valstríðnum. Vallyftini hjá Fólkaflokkinum vóru ófíggjað og so langt frá veruleikanum, at tað bara vóru tveir møguleikar fyri, hvat fór at henda aftaná valið: 

Landskassin fór av knóranum ella 
Fólkaflokkurin lumpaði veljaran. 

Nýggja samgongan visti um allar langtíðaríløgur

Umframt ógoldnar rokningar skyldar nýggja samgongan uppá, at undanfarna samgonga hevur bundið nýggju samgonguna við íløgum fyri 1,5 mia. komandi fýra árini. Fyri tað fyrsta er hetta talið ov høgt sett, og fyri tað næsta visti nýggja samgongan um allar langtíðaríløgurnar. 


Tað er rætt, at tað liggja bindingar á íløgusíðuni. Og tað er heilt vanligt, at íløgur verða gjørdar tvørtur um valskeið. Í hesum føri er talan um Landssjúkrahúsið, Hvalbiartunnilin, nýtt havrannsóknarskip og Eysturoyar- og Sandoyartunlarnar. Alt íløgur, sum núverandi samgonga hevur atkvøtt fyri, og tí, vónandi, var fult vitandi um áðrenn valið. 

Í seinastu setu legði núverandi samgonga uppskot fyri løgtingið fyri fleiri hundrað milliónir, og ein fekk ta fatan, at tey hildu, at allar íløgur kundu gerast samstundis. Hetta ber sjálvsagt ikki til, skal landskassin ikki fara av knóranum, so helst var hetta eisini fyri at tekkjast veljarunum.

Eg vóni, at nýggja samgongan raðfestir ábyrgdarfulla fíggjarpolitikkin heldur enn at halda øll vallyfti. Men eg skilji væl, um nógvir veljarar føla seg lumpaðar í hesum døgum.

Aksel V. Johannesen, formaður Javnaðarfloksins


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Sjófólk leypa fyri borð av reikferða­skipum
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Leiðreglur fyri ferðandi broyttar
RAVI ZACHARIAS - saknaður av føroyingum
Søgan um festið í Oyndarfirði
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
The Land of Maybe – No More
Í øðini eftir samrøðu við Trump
JUVÉL 2 - nýggj leiðsla!
Koronasmittan komin umborð á skip hjá Maersk
LÍV POULSEN ÚR SENEGAL - ein dugnaligur brævskrivari!
Úr bandasavni­num: Samrøða við Dávur Jacobsen 2. partur
Hvagar eru vit á veg?
Arbeiðsvanlukka kravt eitt mannalív
Jens Andreassen settur sum yvirlækni á Lands­sjúkra­húsinum
Twitter setir merki á boð frá Donald Trump
Brasilski forsetin noktar at taka ábyrgd
Ísurin á Norð­póli­num tiðnar skjótari enn væntað
BÍBLIU- OG TÓNLEIKATÚRUR - ein annarleiðis ferð
Lands­stýris­maðu­rin sett nýtt Fólka­heilsuráð
31. mai - Altjóða roykfríur dagur
Heilsu­frøðiliga Starvsstovan hevur kannað stýring av temperaturi undir innfrysting av fiskavørum
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi