Reyði Krossur Føroya: INNSAVNINGIN ÓRÓGVAÐ AV HACKARAÁLOPI
Leygardagin 7. september var Reyði Krossur Føroya út fyri fyri skelkandi hackaraálopi. Teldusníkar gjørdu seg inn á heimasíðuna, og hetta hevði við sær at hon ikki virkaði.
Løgreglan fekk beinanvegin fráboðan um málið, og frá 7. september og áleið eina viku fram, arbeiddu serfrøðingar við at loysa málið. Heimasíðan riggar nú aftur sum vant. Síðani álopið varð framt, er trygdin á heimasíðuni nógv herd til tess at forða fyri at slíkt hendir aftur.
Tað er hugsandi at álopið hevði samband við landsinnsavningina. Av tí at konto nummur og aðrir innsavningarmøguleikar eru at síggja á heimasíðuni, er tað sannlíkt at álopið hevur forða fólki í at lata gávur umvegis heimasíðuna. Tíbetur bendir einki á at pengar vóru stolnir.
Enn ber til at stuðla neyðhjálpararbeiðinum hjá Reyða Krossi, bæði á heimasíðuni redcross.fo/studla ella við at flyta eina upphædd við viðmerkingini LI2019 á kontonr. hjá Betri Banka 9181 – 4950013, hjá Bank Nordik á 6460 – 4946954, hjá Norðuroyar Sparikassa 9865 - 1003776 ella hjá Suðuroyar Sparikassa á 9870 – 4051387.
tað skrivar Reyði Krossur Føroya.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur