Dramatiskar myndir/video av bulkara-samanstoyti
Tey hava verið nakað kløkk á brúnni á 47.200 dwt stóra bulkaranum, Hua Jioang 17, tá skipið skuldi leggja til bryggju í Taizhou í Kina.
Sambært fjølmiðlum á staðnum misti skiparin tamarhaldið á høvuðsmotorinum, tá skipið kom inn í havnina fríggjadagin. Allar royndir at steðga skipinum miseydnaðust, og skipið sigldi beint inn í bryggjuna.
Stoyturin gekk ikki bara út yvir sjálva bryggjuna, men ein bygningur rapaði eisini.
Tríggir sleipibátar vórðu sendir at hjálpa skipinum, sum Jiangsu Huajiang Shipping rekur.
Nú eru myndugleikarnir í gongd við at kanna orsøkina til óhappið, sum fyribils ikki sær út til at hava havt mannskaða við sær.
Video av hendingini TRÝST HER: https://www.youtube.com/watch?v=ShR-X_xzkwU
Kelda: antares.fo/ World Maritime News/Maritime Danmark.
Mest lisið í farnu viku
Samband
Heygsvegur 8
490 Strendur