Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Fyrrverandi klaksvíkstrolarin Stella Kristina hevur loyst fyri seinastu ferð

Uttanlands, Vinnulív | 20/09-2019 11:00
Her loysa Freystein Bjarnason og Válur Finnsson Stellur Kristinu í gjár | Mynd: Kristján Vilhelmsson -og R7-myndir frá vakmyndatóli á bryggjuni í Akureyri -og úr bókini STELLURNAR.

Snæfelli, sum er fyrrverandi hekkutrolarin Stella Kristina, verður nú seldur sum gamalt jarn. Freysteinn Bjarnason og Valur Finnsson, sum loystu skipið fyri seinastu ferð, vóru báðir í Klaksvík eftir Stellu Kristinu fyri útvið 50 árum síðani.

Í oktober 1968 fóru menn frá Pf. Stella í Klaksvík til Norra eftir hekkutrolaranum Stella Kristina KG 320. Hetta var fyrsti nýbygdi hekkutrolari, sum var bygdur til føroyingar. 

Í gjár - 51 ár eftir, at Stella Kristina KG 320 kom á Klaksvík - fóru akureyringar av Akureyri við kós ímóti Gent í Belgia við fyrrverandi Klaksvíks-trolaranum.

Í fylgi við fyrrverandi Stellu-trolaranum var annað íslendskt skip, Hjalteyrin. Bæði hava tey fingið somu lagnu - tey verða seld til upphøggingar.

Teir, ið loystu endarnar á fyrrverandi Stellu Kristinu, nú hon fór seinasta túrin úr Íslandi, vóru teir báðir maskinmeistararnir Freysteinn Bjarnason og Valur Finnsson. Tað er merkisvert, tí teir vóru báðir í Klaksvík, tá ið keyparin Útgerðarfelag Akureyringa (ÚA) sendi fólk til Klaksvíkar fyri útvið hálvari øld síðani eftir Stellu Kristinu.

Freysteinn og Valur, sum í dag eru pensióneraðir, sigldu báðir við Snæfell, tá ið skipið kom í drift á Akureyri.

- Hetta var rørandi løta fyri okkum báðar, tí stelluskipini (ÚA keypti í 1973 eisini Stellu Karinu KG 321, sum kom á Klaksvík í 1969 ) vóru stórt frambrot í Íslandi tá og vekja góð minni, sigur Valur Finsson í telefonini.

Tað er felagið Samherji, sum í dag eigur Stellu Kristinu. Uppunaligi keyparin Útgerðarfelag Akureyringa var kommunalt partafelag, sum seinni bleiv selt og umlagt og sum í dag er tað sera kenda Samherji.

---

Eitt sindur um Stellu Kristinu KG 320:

Tað var Pf. Stella í Klaksvík, sum lótu Stellu Kristinu byggja í Norra - partaeigarar vóru teir tríggir Laksafoss-brøðurnir Erling, Trygvi og Hallur. Skipið, sum var fyrsti nýbygdi hekkutrolari, sum var bygdur til føroyingar, var handað eigarunum í 1968. 15 fólk fóru til Norra eftir Stelluni. Millum teirra, sum vóru við, vóru - umframt Laksafoss-brøðurnir - m.a vinmenninir hjá Erlingi, Anthonius Olsen og Oddmar Juul Samuelsen. Við á ferðini vóru eisini Einar Waag (eldri), stjóri á Føroya Bjór, Sigurð Joensen, advokatur hjá Pf. Stella, Jógvan við Keldu, býráðslimur, og Asbjørn Joensen, sum var borgarstjóri 1967-1968.

Sí myndarøð omanfyri.

Hvar er systurskipið í dag:

Stella Karina KG 321, sum tá æt Svalbariði SI 302 var seldur úr Íslandi til Ruslands í 2001. Tað reiðariið seldi í 2009 Svalbariði SI 302/Stellu Karinu KG 321 víðari eitt felag sum æt Istok-AB.

Reiðaríið Istok-AB bleiv seinni uppkeypt av felagnum Magadanyba, sum eisini er Russiskt, teir valdu at venda aftur til føroyska navnið Stella Karina.  

    

  


Lagt út: Birgir Waag Høgnesen
Lýsing
Mest lisið í farnu viku
Rindaði bara 16 krónur fyri ein stóran bygning í Vestmanna
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
Miðvika við Kára P. Højgaard (3) - Gestur: Hendrik Old
Sonne Smith um nýggja havrannsók­nar­skipið
Donald Trump gav talibanum ein rimmar hvøkk á vitjan í Kabul
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
R7 Premier League (41) - 9. des 2019
Hol sett á arbeiði undir Høganesi
Metis - Øll sendingin - 03. des 2019
Ring til tann føroyska jóla­mannin
Hetta er nýggi havnarfútin í Vestmanna
Studningur til at ganga á háskúla í ríkisfelagsskapinum
Samrøða: Jacob Vestergaard um manglandi fiskidagar hjá Bólki 5B
Samrøða: Ragnar Danielsen um bók sína "Nú fækkast tey á gomlu Strandagøtu"
Ein mamma, sum nú er deyð, undir illgruna fyri dráp og drápsroynd í Tromsø
Georg L. Petersen: Innihaldið í samrøðuni eigur út til fólkið
Trupulleiki við muni á fiskaprísi
Fleiri idiotiskir spádómar um annað enn veður
Jødisk-kristin mentan og etniska býtið av Nobel-vinnarum
Pávakirkjan snávar frá eini gølu til aðra
Strandferðslan: Nærum øll koyring og sigling avlýst vegna veður
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi