Svínoyingar hava endiliga fingið strandferðslufólk aftur
Ljóðbrot: Strandferðslan hevur onki avgreiðslufólk havt at tikið sær av millum øðrum viðføri hjá ferðafólki, sum hava siglt við Rituni úr Hvannasundi til Svínoyar. Av tí sama hevur strandferðslubilurin ikki koyrt, og tí hevur eisini borið illa til at fingið millum annað oljutunnur heim í bygdina.
Men nú er fólk aftur sett at taka sær av avgreiðsluni hjá Strandferðsluni í Svínoy, eftir at fyrrverandi avgreiðslumaðurin varð sjúkrameldaður fyrr í summar. Tað er stjórin og eigarin á Svínoyar Ronkilsistøð, Sjúrður Jacobsen, ið er settur sum nýggju avgreiðslumaður.
Samstundis sum nýggjur avgreiðslumaður er settur, hevur Strandferðslan sett myndatól upp við lendingina á Eiðinum og á Víkini, soleiðis at skiparin á Rituni betur kann fylgja við, hvussu líkindini eru at leggja at.
Upprunaliga var meiningin, at Sjúrður Jacobsen bara skuldi taka sær av arbeiðinum við nýggja arbeiðsplássinum í bygdini, nevniliga Svínoyar Ronkilsistøð, men nú hevur hann so átikið sær at vera avgreiðslumaður fyri Strandferðsluna aftrat.
Mest lisið í farnu viku
Samband
Heygsvegur 8
490 Strendur