Petur Hans Dahl veðurfrøðingur: veðrið hesa vikuna
Samanumtikið: Tað mesta av vikuni lands. 10-12 m/s, támut veður og mjørki eystanfyri. Móti vikuskiftinum mest landn. og klárari veður og nakað minni av vindi. Hitin alla vikuna 10-12 stig.
Í dag mánadagin 23.
Stívt andøvsgul av lands., 7-11 m/s, sirm og mjørki serliga eystanfyri og hitin 10-12 stig
Týsdagin 24.
Stívt andøvsgul av lands., 8-10 m/s, sirm og mjørki serliga eystanfyri og hitin um 11 stig. Sólin kemur fram serliga vestanfyri.
Ónsdagin 25.
Strúkur í vindi av lands., 10-12 m/s, regn av og á og tám ella mjørki serliga eystanfyri við hita um 11-12 stig.
Tórsdagin 26.
Lands. gangandi um kvøldið upp í eystan, 12-14 m/s, regn tað mesta av degnum og helst mjørki á eystaru
leiðum. Hitin 10-12 stig.
Fríggjadagin 27.
Lands., snarandi um kvøldið upp í landn. 7 minkandi niður í 3 m/s, támut eystanfyri, men aðrastaðni turt og klárari eystanfyri seinni út á kvøldið. Hitin 10-11 stig
Leygardagin 28.
Gul av landn., 4-5 m/s, okkurt æl fyrrapart og hitin um 10 stig.
Sunnudagin 29.
Landn. 6-8 m/s, okkurt æl, men sólin sær seinnapartin. Hitin 9-10 stig.
Samanumtikið:
Tað mesta av vikuni lands. 10-12 m/s, támut veður og mjørki eystanfyri. Móti vikuskiftinum mest landn. og klárari veður og nakað minni av vindi. Hitin alla vikuna 10-12 stig.
Veðurtekn:
Ein eldri hvalbingur ringdi til mín ein dagin og greiddi frá veðurtekni, sum pápi hansara brúkti.
Hann róði út og var formaður á báti á Fiskieiðinum. Í góðveðri sóust ofta høgar skýstrípur á luftini. So leingi, tær gingu úr útsynningi í landnyrðing, var liggjandi góðveður, men broyttist rætningurin av teimum úr landsynningi í útnyrðing, bleiv illveður.
Henda broyting hendi einaferð á útróðri í fínast veðri. Allir á bátinum vórðu bidnir at draga inn, og teir náddi akkurát landi, áðrenn illveðrið brast á.
Um veðrið á Ovarugøtu kl. 7 í morgun segði Petur Hans Dahl: Landn.e. 4 m/s, sirm og mjørki og hitin 9 stig.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur