Her mugu høvd rulla, hjá SSL
Borgarstjórin og tingmaðurin, Brandur Sandoy góðtekur ikki støðuna á SSL.
Inkompetansan hjá SSL er ófatulig. Hetta er onki minni enn ein skandala, sum má fáa avleiđingar, tað sigur Brandur Sandoy á facebookvanga sínum.
Fyri R7.fo sigur Brandur Sandoy, at hann fór til knappaborið, tí kaos var á Krambatnaga, tá meir enn 100 ferðafólk stóðu eftir, umframt eini 50 bilar.
Hann leggur aftrat, tá stjórin á SSL á In.fo sigur, at hann er óvitandi at PRINCE ikki tekur 650 fólk, men bara 365 ferðafólk, so er ovboði.
Tað sum Brandur vísur á, er tað sum Hilmar Eliasen, stjórin á SSL segði við IN:fo
sitat byrjar
– Eg havi alla tíðina verið púra ivaleysur í, at Prince tók 650 ferðafólk, akkurát sum Galaxy, so tað kemur púra óvart á meg, tá ið eg fái at vita í kvøld, at hann bara tekur 365 ferðafólk.
sitat liðugt.
Brandur Sandoy helt fram á facebook:
Hetta er onnur støðan innan 3 vikur, sum SSL hevur taklað heilt út av lagi illa. Her mugu høvd rulla, og fólk fáast í skipanina, sum hava føling við hvat fyrigongur innanveggja á SSL, og sum megnar at reka stovnin sum ein tænastustovn.
skrivaði Brandur at enda á facebook.
Mest lisið í farnu viku
Samband
Heygsvegur 8
490 Strendur