Frá í dag av fer journalisturin Grækaris Djurhuus Magnussen at standa fyri útvarpstíðindum á R7. 

Grækaris hevur nógvar royndur sum tíðindamaður. Hann hevur starvast bæði á Dimmalætting og í Sosialinum og hevur eisini verið í Kringvarpi Føroya í góð 18 ár. 

Grækaris Djurhuus Magnussen tekur við eftir Helga Abrahamsen, sum hevur verið tíðindamaður á R7, men nú er valdur á ting og er vorðin landsstýrismaður í umhvørvis- og vinnumálum. 

Tíðindini á R7 verða send gerandisdagar kl. 12.00, 15.00, 16.00 og kl. 20.00.