Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Fólkavøksturin í Tórshavnar kommunu 1.670 fólk ella 8,4% í 5 ár

Innanlands, Lesarabrøv | 25/09-2019 09:15

Tað gongur framvegis væl í Tórshavnar Kommunu. Fólkavøksturin er stórur, og seinasta árið frá januar í fjør til januar í ár vaks fólkatalið við 486 fólkum ella 2,3%.

Sæð yvir eitt fimm ára tíðarskeið hevur fólkavøksturin verið 1.670 fólk ella 8,4%.

Fólkavøksturin er at fegnast um, og hetta økir í allar mátar um virksemið í kommununi, tó at hetta um somu tíð hevur við sær øktan eftirspurning og tørv á tænastum og útbygging av undirstøðukervinum, so sum bygningar og vegir.

Í uppskotinum til fíggjarætlan fyri 2020, ið býráðið nú fer at viðgera, eru inntøkurnar mettar at verða 1.064 miljónir krónur í mun til 1.004 miljónir í 2019, svarandi til ein vøkstur á 60 miljónir ella 6,0%.

Útreiðslurnar eru mettar til íalt 824 miljónir í mun til 779 miljónir síðsta ár. Vøksturin er 45 miljónir ella 5,9%. Sáttmálabundin lønarvøkstur er framskrivaður við 2,5%.

Vaksandi íbúgvaratalið hevur við sær øktan tørv hjá bæði barnafamiljum og eldru borgarum í kommununi. Síðan 2017 eru útvegað umleið 140 dagstovnapláss og umleið 70 fyribilspláss.

Í fíggjarárinum 2020 verður roknað við samanlagt um 75 fleiri børnum í dagansing. Av hesum eru 106 fleiri børn í barnagarði og 20 fleiri í ungdómstilboði, meðan nøkur færri eru í frítíðarskúla. Til tess at nøkta tørvin á dagstovnaplássum verður Býlingshúsið vesturi á Flat útbygt við 4 stovum, svarandi til umleið 60 pláss aftrat.

Veittar verða enn fleiri tænastur á Heilsu- og umsorganarøkinum. Útbyggingin av Tjarnargarði sum demensdepil verður liðug komandi ár, og fer hetta at økja um talið á plássum. Gongd er sett á at byggja nýggjan umlættingar- og rehabiliteringsdepil, sum letur upp í komandi ári. Talan er um 28 nýggj umlættingarpláss og 7 nýggj búpláss.

Nýggjur kommunulækni er settur og nýggj høli eru fingin til vega uppi í Hoyvík. Talið á fulltíðarsettum kommunulæknum er økt úr 13 til 14.

Nýggi Musikkskúlin, sum er eitt megnar framstig fyri kommununa, er nú tikin í brúk, og skjótt verður eisini størsti fólkaskúlin í landinum, Skúlin á Fløtum, tikin í brúk. Í ávísan mun økir tað um raksturin, tá ið nýggir og fleiri fermetrar skulu røkjast.

Tænastan hjá Bussleiðini er enn einaferð uppraðfest, og nú hava borgararnir møguleika at nýta bussin hvønn dag í viku.

Fyri at tryggja, at vegakervið altíð er í besta standi, er skipað serstøk rakstrareind, hvørs høvuðsuppgáva er at viðlíkahalda vegakervið.

Hildið verður fram at talgilda fyrisiting og tænastur til borgaran í so stóran mun sum til ber, við atliti at, at tað er til fyrimuns fyri borgaran, tá ið hesin í størri mun avgreiðir viðurskifti við talgildum skipanum.

Raðfest hevur í góðu tíðunum verið at rinda niður skuld, og størsti parturin av skuldini hjá kommununi knýtir seg nú til stóru útbyggingina av Tórshavnar Havn, sum verður liðug komandi ár.

Íløgur

Í uppskotinum til fíggjarætlan 2020 verður skotið upp at gera íløgur fyri íalt 228 miljónir krónur. Hesar íløgur eru allar í stóran mun tengdar at sáttmálabundnum verkætlanum.

Bróðurparturin av íløgunum fer eins og fjør til byggingina av Skúlanum á Fløtum, sum verður klárur til skúlaársbyrjan 2020.

Týðandi íløguraðfestingar eru á eldraøkinum. Byrjað er at byggja umlættingar- og rehabiliteringsdepli í Hoyvík, og um- og útbyggingin av Tjarnargarði til demensdepil verður liðug komandi ár. Framhaldandi verður eisini sett av til útbygging av kirkjugørðum.

Afturat kommunalu íløgunum ger Tórshavnar Havn í 2019 íløgur fyri 65 miljónir í havnaútbyggingina.

Fíggjarætlanaruppskotið verður lagt fram í býráðnum nú hóskvøldið 26. september 2019, og fer síðani til politiska viðgerð í nevndunum. Uppskotið fær 1. og 2. viðgerð í býráðnum ávikavist 31. oktober og 21. november, og skal vera endaliga samtykt í seinasta lagi 1. desember.

Annika Olsen
borgarstjóri


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Ógvuslig spreinging á Hoegh bilskipi
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Norð­oyastevna á netinum
Samrøða við Rannvá G. Niclasen um mótmæli og korona í New York
Samrøða: Ógvusligar lógir samtyktar í skugganum av korona
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Jens Andreassen settur sum yvirlækni á Lands­sjúkra­húsinum
Svimji- og baðoasa í Tjaldavík
BEINT NÚ - R7 kringvarp sendir beinleiðis frá Norð­oyastevnuni
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi