Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Ein rættleiðing til millum onnur Annfinn Brekkstein

Innanlands, Lesarabrøv | 26/09-2019 12:00

Havi frætt, at limir og ávísur politikkari halda, at Føroya Pedagogfelag hevur blástemplað ella góðkent ætlanirnar hjá Tórshavnar býráð, um nýggjan økisleiðslubygnað fyri Dagstovnaøkið í kommununi. Hetta er ikki rætt, vit eru tó kunnað um ætlanirnar og hava greitt umsitingini í kommununi frá okkara hugsan.

Og bara fyri at gera tað greitt. Nei, Pedagogfelagið hevur ikki “blástemplað” ætlaða økisleiðslubygnaðurin fyri Dagstovanøkið í Tórshavnar kommunu. Tað er annars býráðið hjá Tórshavnar kommunu, sum hevur ábyrgdina av dagstovnunum í Tórshavnar kommunu og ikki Føroya Pedagogfelag.

Fyri okkum at síggja hevur ella fer ætlaði leiðslubygnaðurin ikki at hjálpa uppá verandi tørv hjá dagstovnunum. Dagstovnarnir og leiðslurnar hava greitt tørv á at fáa fígging – soleiðis, at fleiri tímar kunnu leggjast saman við børnunum, til fyrireiking, eftirmeting og djúphugsni (reflektión). Fyri okkum at síggja hevði tað verið rætta staðið at byrjað, og síðani kundi umsitingin hjá kommununi kannað eftir, um tey framvegis metta, at fleiri leiðslulið høvdu hjálpt uppá góðskuna á dagstovnaøkinum.

At brúka milliónir til eitt nýtt leiðslulið kann vera neyðugt, men um tað ikki merkir, at man brúkar meira tíð til “barnatímar”, so er einki vunnið.

Vit í pedagogfelagnum halda heilt greitt, at loysnin við at fáa betri stovnar liggur í at lova leiðarunum at vera leiðarar, og tryggja dagstovnunum nøktandi játtan, soleiðis at uppgávan at vera um børnini kann røkjast á fullgóðan hátt.

Ein skjót loysn hevði verið at byrja við at tikið leiðsltímarnar úr normeringunum til dagstovnin.

Onkur heldur kanska, at við einum millumleiðara sleppa dagstovnaleiðarar undan fleiri umsitingarligum uppgávum, og sleppa hesir leiðarar tá at brúka orku uppá námsfrøðiligu leiðsluna. Trupulleikin er bara tann, at fíggjarligleiðsla og námsfrøðiligleiðsla hanga saman úti á einstøku dagstovnunum – tí tað eru tær fíggjarligu loysnirnar, sum ávirka tær námsfrøðiligu, og øvugt. Tí er neyðugt, at leiðarin hevur allar heimildir at stýra stovninum, og ikki altíð skal fara longur upp í skipanina at biðja um loyvi. Í flestu førum eru tær umsitingarligu avleiðingarnar hjá leiðaranum at vera avmarkaðar til at royna at fáa miðfyrisitingina í kommununa at skilja og játta út um verandi excelark.

Føroya Pedagogfelag heldur, at leiðslan í Tórshavnar kommuna eigur greitt at tryggja, at leiðarar fáa neyðugu amboðini at loysa sína uppgávu.

Tað hevði klætt kommununi væl at økt um játtanina til normeringarnar, soleiðis, at børnini fingu fleiri tímar saman við teimum vaksnu.

Føroya Pedagogfelag


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Ógvuslig spreinging á Hoegh bilskipi
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Norð­oyastevna á netinum
Samrøða við Rannvá G. Niclasen um mótmæli og korona í New York
Samrøða: Ógvusligar lógir samtyktar í skugganum av korona
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Jens Andreassen settur sum yvirlækni á Lands­sjúkra­húsinum
Svimji- og baðoasa í Tjaldavík
BEINT NÚ - R7 kringvarp sendir beinleiðis frá Norð­oyastevnuni
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi