Árligi eplafestivalurin er í dag
Gleði tykkum til ein deiliga bygdasligan dag við góðum fólki og góðum, føroyskum mati. Tað skriva Sandoyar kunningarstova og Eplafestivalurin í innbjóðing til Eplafestivalin leygardagin tann 28. septembur.
Dagurin byrjar kl. 10 við sølustøðum í Trøðum á Sandi og Djóragarði í Skemmuni, og endar tá síðstu gestirnir fara heim. Borðhald er kl. 19 og Diskotek við Michael Anthony verður kl. 22 á Hoyloftinum í Miðstovuni.
BORÐHALDIÐ
Í ár er stjørnan vælumtókta lambskjøtið hjá Jens Petur Selfoss. Hann steikir lamskjøtið í jørðini og rávørurnar til borðhaldið verða sjálvandi føroyskar.Borðahaldið verður í bilskúrinum í Miðstovuni.
EIGUR TÚ BESTA, FØROYSKA EPLARÆTTIN?
Eitt av tiltøkunum er ”eigur tú besta, føroyska eplarættin”. Hetta er eitt tiltak, har høvi verður hjá øllum, sum hava ein eplarætt, sum kann koma úr skápinum.
Í fjør varð skipað fyri kapping í matkynstri á Eplafestivalinum! Hetta tiltak eydnaðist væl, og verður tí endurtikið í ár. Vinnarin í fjør gjørdist Frida Poulsen úr Skálavík, sum gjørdi ”Eplafestival Salat” við íblástri úr Italia.
Dømingin verður skipað soleiðis:
3 matkøn fólk: Telur 50%
4 leikfólk døma í blindsmakking: Telur 50%
Reglur:
- Rætturin skal verða eftir egnari uppskrift
- Epli skulu vera ein av høvuðsingrediensunum
- Rætturin skal latast inn í trimum eintøkum í seinasta lagi leygardagin 28. september kl 11.00 við Tingborð í Trøðum á Sandi.
Mest lisið í farnu viku
Samband
Heygsvegur 8
490 Strendur