Dagurin verður settur á Perlutorginum við Tórsgøtu, har Gunvør Balle, virkandi borgarstjóri, og Katrin Holm, forkvinna í Eldraráðnum, fara at bera fram røðu. Aftaná verður fimleikur.

Fleiri tiltøk eru á skránni. Drekkamunnur og prát er í Ebenezer kl.10:40. Beinta Háberg spælir klaver. Aftaná verður tosað um gallupkanningina um tey eldru, Laila Hentze frá Gallup, og Eyðfríð Jacobsen, stjóri í Heilsu- og Umsorganartænastuni, greiða frá kanningini.

Eftir døgverðan er evnið í Ebenezer “Virkin og vakin”. Henning Bøgesvang, prestur, fer at tosa um at vera virkin alt lívið. Ælabogin fer at spæla, og Jákup Bogi Joensen fer at hugleiða um uppsøgn vegna aldur. Kl 15 eru dagtónar at hoyra í dómkirkjuni.

Kl. 17 verður filmurin “Still Alice” sýndur í Havnar Bio. Oscarvirðislønti filmurin snýr seg um eina kvinnu, sum fær staðfest alzheimerssjúkuna. Kl. 20 spælir Harmonikuliðið í Reinsarínum, Heri Simonsen hugleiðir um “skemtiligt afturhvarv”. Síðan verður felagssangur og harmonikutónar, og Bergun Kass fer at enda dagin.

Serlig matartilboð er á Hotel Hafnia, Hvonn Brasserie og í Posthúskjallaranum. Tilboðið er galdandi fyri øll, sum eru 60 ár og eldri.

Skráin kann síggjast her: https://www.torshavn.fo/get.file?ID=3578