Serliga burturkastætlanin, Ocean Cleanup, er aftur farið at savna burturkast úr havinum. Í fyrru royndini riggaði útgerðin ikki sum ætlað, og nógvar tillagingar eru gjørdar.

Ocean Cleanup skrivar á heimasíðu sínari, at ein trupulleiki í fyrstu syftu var, at skipanin arbeiddi alt ov seint.

Hetta seinasta árið hevur felagið gjørt nógvar broytingar í skipanini, og fyrstu royndirnar við nýggju skipanini hava riggað væl.  

Við hesi nýggju skipanini, sum hevur fingið navnið “System 001/B”, er gjørligt at savna burturkast upp úr størstu konsentrasjónini av burturkasti í øllum heiminum, nevniliga í økinum, sum verður rópt “Great Pasific Garbage Patch.”

Við nýggju skipanini ber til at savna plastpetti, sum eru heilt niður í 1 mm til støddar.

- Vit vónaðu og væntaðu, at skipanin fór at rigga nógv betur, enn hon gjørdi í fyrstu royndini, men vit eru bilsin av, at hon riggar so framúr væl, sum hon ger, sigur Boyan Slat, sum arbeiðir hjá Ocean Cleanup.

Danska reiðaríið, Maersk, er ein av heilt stóru sponsorunum hjá Ocean Clean-up.