Eldri fólk, sum búgva á ellis- og røktarheimum eru ikki so nógv í samband við børn og ung, sum fyrr. Men á Tjarnargarði fer tað nú at broytast. 

Ein dag um vikuna fara børn frá Margarinfabrikkini á Tjarnargarð, har tey millum annað fara at hava sangløtur, baka, spæla borðspøl, hava salong og annað.

Royndir aðrastaðni frá siga, at tað gevur bæði børnunum og teimum gomlu nakað heilt serligt at vera saman. Tey læra og síggja, hvussu hvør annar ger, - og hvat tey hvør sær og felags eru upptikin av.