Í minsta lagi tvey eru dripin og fleiri eru særd, tá ein maður skeyt við automatiskum vápni við eina synagogu í Halle, Týsklandi, í dag.

Týska løgreglan hevur handtikið ein persón, men tey mæla fólki í býnum enn um at vera varin og halda seg innandura. 

Á einum sjónbandi frá einum vakmyndatóli sæst ein maður stíga úr einum gráum bili, og skjóta frá hond. Skotmaðurin er í grønum klæðum, sum minnir um herbúna, í skotvesti og hjálmi.

Týska tíðinda blaðið, Deutsche Welle, skrivar, at fleiri undir illgruna kunnu vera flýggjað av staðnum í bili.