Samtíðin bjóðar áhaldandi undirhald døgnið runt og tað kann ávirka eginleikan at føla eftir, tí er týdningarmikið at skrúva høvdið av og koma niður í kroppin. Hetta verður m.a. tosa um í Rák hesa vikuna. 

Vivian Sjóðklett er gestur. Hon er útbúgvin námsfrøðingur, og næstan liðug útbúgvin sexologur. Hon arbeiðir innan alternativa heilsuviðgerð og fyribyrgjandi heilsuviðgerð. Hon fæst við kunstterapi, eisini innan føroyska heilsuverkið, undirvísur í Fimm rytmu dansi og fæst eisini við vaginalterapi. Vaginalterapi er, sambært Vivian, sonuterapi fyri vagina har trýst verður á punktir innan og uttan. 

Farið verður í smálutir við kunstterapi, Fimm rytmu dansi og vaginalterapi. Spurt verður m.a. hvat hetta eru fyri viðgerðir og hvussu tær eru gagnligar. 

Tosað verður eisini um eina bók, sum Vivian Sjóðklett er við at skriva um sexualitet, børn og at seta mørk. Harumframt verður tosað um meditatión, feminismu og masokismu.

Annika Bolton Mortensen er vertur í sendingini.

Rák er á R7 mikudagar kl. 13.