Visit Faroe Islands fær nógvar kærur
Visit Faroe Islands, ella Ferðaráðið, fær nógvar kærur sendandi frá ferðafólki, sum hava vitjað í Føroyum.
Kærurnar snúgva seg fyri nógv tað mesta um møguleikarnar ella vantandi møguleikarnar at fara út í Náttúruna. Tað er alt ov kostnaðarmikið, og tú fært ov lítið fyri peningin.
- Og so eru ferðandi eisini ónøgd við, at tey onki vistu um hendan eykakostnaðin, tey skulu av við, um tey ætla sær út í náttúruna, sigur Jóhan Pauli Helgason.
Í einari av mongu kærunum, sum Ferðaráðið hevur fingið, snýr tað seg um eitt ungt par við einum barni. Tey vistu onki um, at gjaldast skuldi fyri at síggja Bøsdalafoss, og tey siga millum annað soleiðis í kæruni:
Fyri tað fyrsta er prísurin uppá 200 krónur í part – ella 450 krónur í part við ferðaleiðara, alt ov høgur. Haraftrat vóru parkeringsviðurskiftini vánalig, og vesi og kiosk vóru í gerð – og hugdu tú at sniðunum á hesum, sum var í gerð, so var tað púrasta út av proporsjónum. Og tað er kanska óneyðugt at siga tað, men vit fóru altso ongan veg út á Bøsdalafoss, sigur hetta parið.
Jóhan Pauli Helgason, á Ferðaráðnum, heldur, at mongu kærurnar kunnu bera í sær stóran skaða fyri ferðavinnuna, um onki verður gjørt við verandi støðu.
Mest lisið í farnu viku
Samband
Heygsvegur 8
490 Strendur