Færri ferðafólk og fleiri gistingarhús
Vit hava eisini merkt afturgongdina og hava sett prísirnar niður. Prísirnir eru eisini settir eftir evruni, so teir svinga í sama lutfalli sum evran, sigur Ragnar.
Ísland hevur havt færri ferðafólk í ár enn undanfarnu árini, og harafturat eru fleiri nýggj gistingarhús bygd. Tí er kappingin um gestirnar harnað og prísirnir á gistingum falnir.-
Tað sigur stjórin á føroyska Sjómansheiminum Ørkini í Reykjavík, Ragnar Snar Karlsson.
-Tað eru nokk ikki færri, sum vilja vitja í Íslandi, men grundin er heldur tann, at íslendska flogfelagið Wow fór á húsagang í fjør og gavst at flúgva. Harafturat vóru flogfør hjá Icelandair sett, tí brek var í tí útgávuni av flogførum, og tey standa enn.
Vit hava eisini merkt afturgongdina og hava sett prísirnar niður. Prísirnir eru eisini settir eftir evruni, so teir svinga í sama lutfalli sum evran, sigur Ragnar.
-Vit vóna tað besta og royna at reka Ørkina sum gistingarhús og sum sjómansheim. Tað merkist eisini á tann hátt, at um vetrarhálvárið hava vit føroyskt møti hvønn sunnudag kl.16.00, har øll eru vælkomin.
Fólk frá Ørkini vitja eisini umborð á føroysk, grønlendsk og onnur skip.
Harafturat gista nakrir føroyskir sjúklingar á Ørkini, sum verða sendir til Reykjavíkar í sjúkraviðgerð, sigur Ragnar.
Hann sigur eisini, at øll eru vælkomin á Ørkina og at flestu ferðafólkini keypa gistingar gjøgnum alnótina og orna tað gjøgnum Booking.com
Meiri fæst at vita um Ørkina á nýggju heimasíðuni: www.hotelorkin.is
Greinin stendur á facebook vanganum hjá Føroysku Sjómansmissiónini.MYND- TJ myndir
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur