Russiska verjan boðar frá, at russiski herurin er á varðhaldi í økinum beint við markið í landnyrðingspartinum av Sýria, - millum tey bæði økini, har hermenn hjá Sýria og turkiskir hermenn halda til.

Talan er um part av hernaðarligu løgregluni hjá Russlandi, sum hevur fingið uppgávuna at skilja partarnar, sum stríðast í økinum. Tað skrivar NRK.

BBC veit at siga, at Turkiski forsetin, Erdogan, ikki fer at gera eftir boðunum, sum komu frá USA í gjár um, at steðga skotbardøgunum har norðuri í Sýria.

Kurdar hava gjørt avtalu við fyrrverandi mótpartin, Sýria, um at standa saman ímóti Turkalandi. Og nú er Russland so eisini farið í part við Kurdunum.