Forsetin í Fraklandi, Emmanuel Macron, talar sterkt fyri, at CO2-útlátið frá skipum skal minkast sambært ásettu málunum. 

- Tað er óskiljandi, at ítøkilig mál eru sett fyri CO2-útlátið frá bilum, meðan onki mál er sett fyri útlátið frá flogførum og skipum. Tí skjóta vit upp at arbeiða við at seta avgjøld á brennievni til flogfør og skip. Tað sigur fíggjarmálaráðharrin í Fraklandi, Bruno Le Maire.

Frá 1. Januar fær meginparturin av heims-handilsflotanum munandi hægri útreiðslur av brennievni, tá IMO vitøkan fyri 2020 verður sett í gildi.

Mærsk hevur, sum fleiri onnur stór reiðarí, víst aftur, at seinka ferðina sum eina loysn upp á CO2-útlátið. Ístaðin hevur Mærsk boðað frá, at tey heldur viljað minka um sjálva maskinorkuna umborð á skipunum.

Eitt avgjald upp á bunkriolju í ES fer fyrst og fremst at raka staðbundnu millumlanda skipaferðsluna. Meðan hildið verður, at skip, sum sigla altjóða rutur bert fara at keypa bunkriolju uttanfyri ES í staðin.

Tað skrivar Maritime Danmark.