Tað gongur væl hjá Koppi og Kannu í Tórshavn
2. árið á rað hevur Koppur og Kanna, sum húsast hjá Ide Møblum, vunnið stóru kappingina Kop & Kande League, sum er ein kapping millum teir umleið 100 handlarnar hjá Kop & Kande í Danmark, Føroyum og Grønlandi og Íslandi. Kappingin verður máld eftir hvør handil hevur stórstu framgongd og er hetta 2. Árið á rað at Koppur og Kanna hjá Ide Møblum vinnur.
Í fjør, tá handilin vann, fóru starvsfólkini hjá Koppi og Kannu í Føroyum at vitja Kählers í Portugal. Í hesum tíðarskeiðnum vóru starvsfólk á ketu-kontórinum hjá koppi og kannu í Danmark og avloystu starvsfólkini í handlinum í Tórshavn
Í ár gongur leiðin so til Finlands at vitja stóru Fiskars fyritøkuna, sum m.a. framleiðir Royal Copenhagen, Iittala og Mumi vørur og aftur í ár koma fólk av høvuðsskrivstuni hjá Kop & Kande í Danmark at halda skansan í handlinum og tey hava hópin av einastandandi góðum tilboðum við sær mánadagin og týsdagin.
Birgir Andreasen sigur at orsøkin til hesa góðu gongdina er at viðskiftafólini hava fingið eyga á spennandi deildina við teimum altíð góðu tilboðunum og skørpu prísunum, sum eru teir somu, sum hjá Koppi og Kannu í Danmark. Harumframt sigur Birgir Andreasen at tey dugnaligu starvsfólkini hjá Koppi og Kannu eiga lut í tí stóra heiðrinum, sum tað er at vinna á øllum hinum handlunum 2 ár á rað. Tey hava so sanniliga uppiborðið at sleppa hendan túrin til Finlands. Farið verður leygardag og eru tey aftur í Føroyum mikudag.
Mest lisið í farnu viku
Samband
Heygsvegur 8
490 Strendur