Reiðari fer at kanna møguleikar við reyðæti
Útsagnirnar hjá stjóranum á Havstovuni herfyri, um, at stórt tilfeingi er í reyðætinum, sum svimur við Føroyar, hevur vakt áhuga hjá føroyskum reiðara. Stjórin í Framherja, Annfinn Olsen, sigur í dag, at hann ætlar at kanna, hvørjir møguleikar eru í hesum.
- Eg haldi hetta vera áhugavert, og eg havi lisið frágreiðingina hjá stjóranum á Havstovuni meira enn eina ferð. Men enn er hetta á forstadiinum, sigur Annfinn Olsen.
Hann vísir á, at Framherji royndi eftir prikkafiski fyri nøkrum fáum árum síðani, men tað fingu tey ikki at bera til.
Reyðæti liggur í djúpu bankarennuni, sum rennur út í Atlantshavið. Annfinnur Olsen sigur, at reyðætið fer niður í dýpið um veturin, og tað er heilt har niður, tey noyðast eftir tí, og tað gevur nakrar avbjóðingar.
Enn hevur hann onga fasta loysn uppá, hvussu tað fæst fatur á reyðætinum, og tað er m.a. hetta, hann nú ætlar at kanna nærri. Men stjórin í Framherja veit, at norðmenn hava kannað møguleikan fyri at nýta sentrifugalmegi, fyri at fáa reyðætið umborð.
Stjórin á Havstovuni segði annars í Sjóvarmáli herfyri, at Føroyar hava ein serliga náttúrugivnan møguleika at gagnnýta reyðæti - tað næst-størsta lívfrøðiliga tilfeingið, sum er í Norðuratlantshavi.
Ein meting fyri stovnin her norðuri er samanlagt millum 70 og 100 milliónir tons.
Í Noregi veiða tey 254-túsund tons árliga.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur