Árligi barnadansurin er byrjaður aftur
Barnadansurin er afturvendandi tiltak, har børn saman við vaksnum læra seg kvæði og føroyskan dans.
Barnadansurin 2019 – 2020
Fyrsta kvøldið, dansað verður, er:
Fríggjakvøldið 11. oktober 2019, og hitt seinna verður 25. oktober.
Ongin føroyskur barnadansur er í heystfrítíðini.
Dansað verður fríggjakvøld kl. 20.00-21.00 í Norðurlandahúsinum
Í november 2019 verður dansað:
november, 15. november, 22. november og 29. november, tó skal sigast, at vegna sjónleikin Hamlet verður dansað í forhøllini hjá Kringvarpinum tann 8. november og tann 15. november. Ongin føroyskur barnadansur verður 1. november, tí tá er Allahalganardagur.
Í desember verður dansað:
desember, sum so aftur er seinasti føroyski barnadansurin fyri jól, og tað kvøldið verður dansað, og børnini fáa okkurt søtt undir tonnina.
Í 2020 verður dansað soleiðis:
Í januar verður dansað:
januar, 10. januar, 17. januar, 24. januar og 31. januar
Í februar verður dansað:
februar og 14. februar, og er hetta somuleiðis seinasta kvøldið, dansað verður í tíðarskeiðinum 2019-2020, og tann 14. februar verður eitt hugnakvøld, har børnini dansa og fáa okkurt gott at eta.
Tað søguliga aftan fyri føroyska barnadansin er tann, at tá ið Norðurlandahúsið varð tikið í brúk í 1983 vóru fólk, sum fingu eitt samstarv millum Dansifelagið í Havn og Norðurlandahúsið í Føroyum upp í lag, og hetta tiltakið hevur verið í Norðurlandahúsinum líka síðani.
Ofta koma 100 fólk til barnadansin og ofta børn saman við systkjum, foreldrum, ommum og abbum. Fólk frá Dansifelagnum í Havn eru altíð við til barnadansin.
Skráin er soleiðis á hvørjum ári, at byrjað verður 1 viku fyri heystfrítíðin, ongin dansur í heystfríðini, og so heldur dansurin á fram til inn í desember, tá farið verður í jólafrí, og dansurin byrjar so aftur tann 1. fríggjadagin í nýggja árinum, og dansað verður fram til føstuna.
Øll eru vælkomin at koma við til ókeypis tiltakið føroyskur barnadansur í Norðurlandahúsinum.
Tey vaksnu fáa te, kaffi og vatn ókeypis, og børnini frá onkran leskidrykkin.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur