Í kvøld, 19. oktober kl. 20.00, verður Løkshøll í Runavík karmur um stórfingna og sjáldsama konsert við Ólavi á Váli Olsen og bólki.

Hetta verður aðru ferð, Ólavur skal spæla í Løkshøll, og áhoyrarar kunnu vænta eina vælfyrireikaða og gjøgnumhugsaða konsert frá einum trubaduri í toppformi.

Ólavur hevur givið tvey nýggj løg út í ár, sum sjálvsagt vera at hoyra, og annars verður alt tað góða frá fløguni “Her & Nú” eisini á settlistanum.

Orkestrið er mannað av:

Ólavur á Váli Olsen – Akk guitar og sang
Henning Hjalt Nicodemussen – Trummur
Erik Biskopstø – Bass
Magni Husgaard – Klaver
Jóhan Ziskason – El guitar
Laila Carlsen – Kór
Charlotta á Váli Olsen – Kór