Tvøroyrar kommuna skipar fyri myndakapping til jólakortið hjá kommununi. 

Myndirnar skulu vera av staði í Tvøroyrar kommunu og skulu hóska til árstíðina kortini verða send út.
Vinnandi myndin verður virðislønt við kr. 1000,- og einum heiðursbrævi. Navnið á myndamanninum/kvinnuni verður eisini at síggja á kortinum, skrivar Tvøroyrar kommuna á sínum facebook vanga.

Øll eru vælkomin at senda teirra myndir til bn@tvoroyri.fo. Einans ein mynd verður vald út og kemur hon at prýða jólakortini, ið Tvøroyrar kommuna sendir út í 2019.

Seinasta freist at lata mynd inn, er fríggjadagin 1. november 2019, kl. 15:00.

Myndina á jólakortinum frá í fjør, eigur Reidar Simonsen.