Skálavík: Í juli stongdi Klædnabúðin, í gjár Hotel Skálavík og í dag kioskin "Neystið"
Stórar broytingar í Skálavík. Klædnabúðin, Hotel Skálavík og kioskin "Neystið" lata aftur. Ein kristin eftirskúli byrjar í Skálavík í 2020 og ein sera stór lívfiskastøð verður bygd har í næstum.
Tann 23. juli skrivaðu við her á R7.fo, at eigarin av Klædnabúðini í Skálavík, Brynja Trondesen eftir 34 ár gavst at handla. Eftir 34 ár við klædnabúðini, havi eg nú tikið tað stóru avgerð at gevast, skrivaði hon á facebook.
2. september skrivaðu miðlarnir at Hotel Skálavík lat aftur í desember í ár. Lagt var aftrat, at møguleiki verður at leiga hotellið til ymisk endamál fram til 31. mars í 2020, men so letur Hotel Skálavík aftur fyri seinastu ferð.
22. oktober (sum er í dag) Í morgun komu aftur boð frá einum vinnurekandi í Skálavík. Tað var Elisabeth Myllhamar, sum í eini samrøðu í KVF segði, at kioskin Neystið í Skálavík lat aftur.
Tíðindafundur í Skálavík í gjár:
Í gjár var tíðindafundur á Hotel Skálavík, har grunnurin Immanuel boðaði frá, at Depilin í Skálavík verður kristin eftirskúli. Skúlin kemur at eita Brúgvin. Komandi skúlaár verður møguleiki at taka 10. flokk á nýggja eftirskúlanum í Skálavík.
Vit kunnu skoyta uppí her, at ein stór lívfiskastøð verður bygd í Skálavík í næstum. Har fara eini 30 starvsfólk at hava sína inntøku.
Mest lisið í farnu viku
Samband
Heygsvegur 8
490 Strendur