Ísraelski forsetin, Benjamin Netanyahu, er givin í royndunum at skipa nýggja stjórn. Forsætisráðharrin, sum hevur sitið við ræðið í Ísrael seinastu 10 árini, noyddist at geva skarvin yvir í gjár. Og nú er tað harði mótstøðumaður- og kappingarneyti hansara, Benny Gantz, hjá teimum Bláu og Hvítu, sum fer at royna at skipa nýggja stjórn í Ísrael.

Tey Bláu og Hvítu hava fyrr sagt, at tey útiloka ikki eina stjórn saman við flokkinum hjá Benjamin Netanyaho, Likud, men tað verður uttan Netanyaho sum part av stjórnini, tað er ein treyt.

Grundin til treytirnar at Benjamin Netanyaho ikki sleppur at vera við í einari stjórn er, at hann hevur fleiri skuldsetingar um korrupsjón ímóti sær. Og tí vilja tey Bláu og Hvítu altso ikki hava hann við í eina nýggja stjórn.

Eg havi gjørt fleiri royndir at fáa Benny Gantz til samráðingarborðið, men hann hevur noktað hvørja ferð, sigur Benjamin Netanyaho.

Ísraelski forsetin, Rivlin, hevur givið Benny Gantz 28 dagar at skipa eina nýggja stjórn.