Í hesum døgum eru 50 ár liðin, síðani fyrstu 20 sjúklingarnir vórðu innlagdir á Statshospitalinum, sum í dag eitur Psykiatriski depilin.

Vanliga verður sagt, at føroyska psykiatriin byrjaði tá, stutt eftir, at Árni Olsen, sum fyrsti føroyski psykiatari, tók við starvi.

50-ára dagurin verður hátíðarhildin við stórum tiltaki í Smæruni, tann 29. oktober 2019. Tá fara tey at lýsa føroysku psykiatriina úr fleri ymiskum sjónarhornum. Bæði í fortíð, nútíð og framtíð. Eisini verða sofaprát og tónleikur.  

Dagurin endar við, at kendi danski sjónvarpsverturin, Henrik Dahl, greiðir frá um egnar upplivingar við sálarsjúku.

Øll eru vælkomin og tað er ókeypis at luttaka. Tilmelding er ikki neyðug. 

TRÝST HER: Síggj skránna fyri "Psykiatriin 50 ár"