Vitello er ein stuttligur leikur fyri alla familjuna við fangandi sangum og nógvum skemti.

Á heimasíðuni hjá Tjóðpalli Føroya, stendur um Vitello:

- Vit kenna hann øll frá skemtiligu bókunum og frá barnaútvarpinum - drongin, sum tey kallaðu Vitello, sum býr saman við mammu síni beint við ringvegin og leingist eftir einum ordiligum pápa. Søgurnar um Vitello, eftir Kim Fupz Aakeson eru bæði stuttligar, rørandi og viðkomandi hjá bæði børnum og vaksnum.

Og nú er møguleiki at uppliva søgurnar um Vitello sum sjónleik á Tjóðpallinum.

Gunvor Reynberg hevur gjørt til leik burturúr kendu bókunum og Lars Fjeldmose hevur gjørt tónleik til. Í leikinum leitar Vitello eftir einum pápa, sum hann kann vísa sínum troyttandi vinum tvillingunum Max og Hassa og lortunganum Williami. Á vegnum fær Vitello eina ólekra gentu, hittir ein deyvan pylsumann og eisini Gud.

Eykasýningarnar verða á Tjóðpallinum:

Mikudag 23. oktober kl. 18

Hósdag 24. oktober kl. 18

Fríggjadag 25. oktober kl. 18