Eg haldi, at skeljarnar vóru feitari í fjør
Tað sigur Pól Jóhannes Simonsen, skipari, á skeljabátinum Norðheim á Oyri.
Gróðurin sæst eisini aftur á skeljunum
-Tann góði gróður, sum hevur verið á landgrunninum síðstu árini, sæst eisini aftur á jákupskeljunum. Síðstu trý árini hevur eisini nógv at yngli verið at sæð, tað vil siga, smáum skeljum, og tað haldi eg er dámligt. Eg haldi tó, at skeljarnar vóru feitari í fjør, enn í ár,-
Tað sigur Pól Jóhannes Simonsen, skipari, á skeljabátinum Norðheim á Oyri.
-Í ár byrjaðu vit fyrsta september og í fjør fyrsta oktober. Vit royna at fiska sum mest, meðan skelin er best fyri, tí tá fáa vit jú frægast burturúr, samstundis sum vit ikki mugu niðurfiska stovnin,- sigur hann.
-Vit royna fyri tað mesta eystanfyri, men hava eisini gjørt nakrar túrar norðanfyri. Norðanfyri hevur verið smáligt við skeljum síðstu mongu árini, men nú sær betri út,- sigur Pól Jóhannes.
Fimm mans eru við Norðheim.
Sjómanstrúboðarin vitjaði umborð herfyri, og tíð var bæði til ábit, prát, eitt Guds orð og bøn.
Teimum og sjófólkunum annars verður ynskt Guds signing og varðveitslu.
Tað skrivar Føroyska Sjómansmissiónin á facebook. Mynd: TJ-myndir
Mest lisið í farnu viku
Samband
Heygsvegur 8
490 Strendur