Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Javnaðarflokkurin: Nei til eindarleiðslu!

Innanlands, Lesarabrøv, Politikkur | 25/10-2019 13:00

Javnaðarflokkurin í Tórshavnar Býráði sigur nei til eindarleiðslu á dagstovnaøkinum. Vit meta ikki at eindarleiðsla er rætti mátin at bøta um umstøðurnar hjá børnum og starvsfólkum á dagstovnunum í kommununi. 

Dagstovnarnir í Tórshavnar Kommunu eru sum held sera góðir – tað er eisini tað skotsmál teir fáa frá fólki, sum flytur heim til Føroya. Starvsfólkini eru dugnalig, og ikki minst eldhugað og samvitskufull. Og eg haldi eisini at vit mugu siga, at Tórshavnar Kommuna hevur raðfest økið høgt, síðani økið var lagt til kommunurnar at umsita. Men tað er ein sannroynd, at arbeiðsbyrðan hjá leiðslu og starvsfólki úti á stovnunum er vaksin, og at alt økið tessvegna eigur at verða uppraðfest nú. Tað er umráðandi, at vit tryggja børnunum bestu umstøður – eisini og kanska serliga, tá ið samfelagshjólini mala skjótari og skjótari. Eru vit ikki á varðhaldi, kunnu børnini lættliga koma at rinda ein ov høgan prís fyri búskaparvøkstur og fólkavøkstur. 

Vit halda tó ikki, at tann rætta uppraðfestingin er at seta í verk eindarleiðslu. Tí tað merkir í roynd og veru eitt slag av fjarleiðslu. At fremja meira fjarleiðslu er ikki loysnin, tá ið trupulleikin er, at tað er leiðslan á staðnum – á tí einstaka stovninum – sum eigur at verða uppraðfest. 

Tí mæla vit í Javnaðarflokkinum til at uppraðfesta dagstovnaøkið soleiðis, at hægri játtanin og hægri normeringin verður játtað til stovnarnar. Til stovnsleiðsluna, til betri normeringar og til vikartímar. Og tað fara vit at seta fram uppskot um, tá ið fíggjarætlanin fyri 2020 skal samtykkjast. 


Aðrar avbjóðingar á dagstovnaøkinum

Tað eru eisini aðrar avbjóðingar á dagstovnaøkinum, eitt nú at barnatalið veksur skjótt. Tað er ein positiv avbjóðing, sum vit fegin vilja taka lógvatak við samgonguna um at loysa. Brúk er fyri fleiri og betri hølisumstøðum, og júst tí undrar tað okkum, at samgongan ikki ætlar at halda fram við náttúrudagstovninum Spíranum, sum liggur úti í Havnardali. Tað er jú ein perla, sum veitir eina tænastu, sum eingin annar dagstovnur ger. Hølini eru nýggj og góð, og ein náttúrustovnur eigur at standa børnunum í Tórshavnar kommunu í boði. 

Javnaðarflokkurin hevur bæði í Mentamálanevndini og í Fíggjarnevndini mælt ímóti at seta eindarleiðslu í verk – og tað skal vera okkara vón, at henda avgerð samgongunnar verður útsett, og at vit í semju fara undir at fremja neyðuga uppraðfesting av dagstovnaøkinum í Tórshavnar Kommunu.


Helena Dam á Neystabø, Javnaðarflokkurin í Tórshavnar Býráði

 

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Leiðreglur fyri ferðandi broyttar
RAVI ZACHARIAS - saknaður av føroyingum
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
JUVÉL 2 - nýggj leiðsla!
Hvagar eru vit á veg?
Úr bandasavni­num: Samrøða við Dávur Jacobsen 2. partur
Djórini skulu hava tað gott
Jens Andreassen settur sum yvirlækni á Lands­sjúkra­húsinum
Arbeiðsvanlukka kravt eitt mannalív
Brasilski forsetin noktar at taka ábyrgd
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Ísurin á Norð­póli­num tiðnar skjótari enn væntað
Lands­stýris­maðu­rin sett nýtt Fólka­heilsuráð
BÍBLIU- OG TÓNLEIKATÚRUR - ein annarleiðis ferð
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi