Forboðið fer at fevna um øll skip í og úr indiskum havnum - og um skip, sum sigla gjøgnum indiskt sjóøki. Forboðið kemur í gildi 1. Januar 2020.

Bannaðu framleiðslurnar eru millum annað beriposar, bakkar, íløt, kassar, pakkifilmur, mjólkarfløskur, frystiposar, sjampofløskur- ella dunkar, fløskur til vatn og aðrar drykkivørur og koppar.

Á tann hátt roynir India at minka um stóru plastdálkingina í høvunum. Haraftrat er landið tilreiðar at banna plasttallerkum, koppum og innkeypsposum.

Sambært netmiðlinum Splash verður roknað við, at Kina verður næsta landið, sum bannar eingangsplasti umborð á skipum.

Tað skriva Splash og Maritime Danmark.