Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Tunnilsvegurin má flytast

Innanlands, Lesarabrøv | 01/11-2019 14:00
Linjuføring D er rætta loysnin

Mong eru tey við mær, ið fingu sum framman á av svarinum, ið eg fekk upp á §52.a fyrispurningin um tunnilsvegin Hvalbiar megin nýggja Hvalbiar-tunnilin.

Landsverk (her eftir LV) sigur, at vegurin líkur øll krøv trygdini viðvíkjandi, og at man hevur lagt vegin soleiðis, fyri ikki at gera seg inn á uppdyrkaða lendið og umhvørvið í Dalinum.

Tað hevur ikki verið siðvenja hjá LV at taka atlit til uppdyrkað lendi, tað eru nógv dømi um tað, eitt nú vegurin til Hovs-tunnilin.

Og at LV vil taka atlit til uppdyrkaða lendi er nakað spildurnýtt, tí tá eg sat í kommunustýrinum í Hvalba, vildi LV helst hava linjuføring B og seinri A (Sí mynd I).

Tað er nokk heldur onkur politisk avtala um uppdyrkaða lendi í Hvalba, ið ger seg galdandi.

Hava Hvalbiar kommuna og Løgtingið sovið í tímanum?

LV vísir til linjuføringina, ið er samtykt á Føroya Løgtingið.

Hava hvørki kommuna ella Løgtingið givið sær far um henda søguliga kringluta veg?

Eg fái meg ikki at trúgva, at hvørki kommuna ella Løgting við vilja hava samtykt og góðkent ein slíkan veg til ein nýggjan tunnil, ið kemur at bera alla Suðuroyar ferðsluna innan fá ár.

Hettar má verða hent av grovum ósketni ella av politiskum kamirataríi.

Nú eitur valda linjuføring C og er tað nokk ikki heilt av tilvild.

Tað er nokk ein politisk avgerð tikin um at flyta hendan veg oman um traðirnar, hóast hettar ikki er skjalfest nakra staðni.

À mynd I síggjast tær tríggjar linjuføringarnar ið LV hevur gjørt og tann fjórða er tann, ið Hvalbingar og flest fólk í oynni eru samd um er skila best.

Myndirnar II og III vísa, hvussu linuføring D sær út í lendinum.

Enn er ikki ov seint at flyta vegin niðan eftir. Hettar kemur nokk eisini at verða ein bíligari loysn,jú longri farið verður burtur frá vatninum, jú betri er lendi at gera veg í.

Í løtuni eru teir á -1 metri (1 metur undir hav yvirflatuni) og tað verður verri enn nærmari teir koma vatninum.

Eg vil við hesum enn eina ferð gera eina roynd at fáa vegin fluttan/beindan soleiðis, at hann er brúkiligur.

Vit kunnu ikki lata politiskan vinarpolitik oyðileggja eina høvuðsæðr í oynni.

So mín inniliga áheitan á LV og Samferðslumálaráðið er at flyta/beina vegin, meðan tíð enn er.

Jóhan Eli Poulsen
Løgtingsmaður


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
Jan Lamhauge: Eik-málið átti at verðið roynt í Rættinum
Sjófólk leypa fyri borð av reikferða­skipum
Vespureiðrið (136) - 2. juni 2020
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
RAVI ZACHARIAS - saknaður av føroyingum
JUVÉL 2 - nýggj leiðsla!
LÍV POULSEN ÚR SENEGAL - ein dugnaligur brævskrivari!
Koronasmittan komin umborð á skip hjá Maersk
Úr bandasavni­num: Samrøða við Dávur Jacobsen 2. partur
Arbeiðsvanlukka kravt eitt mannalív
Hvagar eru vit á veg?
Jens Andreassen settur sum yvirlækni á Lands­sjúkra­húsinum
Tíðindi á R7 klokkan 16:00
Twitter setir merki á boð frá Donald Trump
KIRKJUR, SAMKOMU- OG MISSIÓNS­HÚS - nú verður latið uppaftur!
BÍBLIU- OG TÓNLEIKATÚRUR - ein annarleiðis ferð
Ísurin á Norð­póli­num tiðnar skjótari enn væntað
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Boð til listafólk: Kom og halt summarskeið 
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi