Trolarin Polarhav hjá JFK hevur staðið fastur á Skála Skipasmiðju í eina góða viku, tað skrivar VP.fo.

Vognurin, sum skipið stendur á, er farin av lunnunum, og skipið fæst hvørki oman ella niðan.

Hanus Hansen, stjóri á JFK, sigur við VP, at fyribils verður bara bíðað ímeðan teir á skipasmiðjuni royna at fáa skipið á flot aftur.

- Beint í løtuni er tað nokk ein størri trupulleiki hjá skipasmiðjuni enn hjá okkum, sigur hann, og vísir til stjóran á Skála Skipasmiðju.

Mouritz Mohr váttar, at tað hava staðist avbjóðingar av at fáa Polarhavið á sjógv aftur.

Tað skrivar vp.fo 

Myndirnar fingu vit frá Annfinni Garðalíð.