Heimsins elsta matuppskrift endurgjørd
Eitt toymi við altjóða vísindafólkum innan føðslusøgu, evnafrøði innan matgerð, og granskarar innan kílaskrift, hava endurgjørt rættir úr elstu uppskriftum í heiminum.
Til dømis er uppskriftin til grýturætt úr lambi meira ein vegleiðing til, hvørjir lutir skulu brúkast í rættinum, og ikki so nógv ein ítøkilig uppskrift sum vit vanliga kenna hana.
Í uppskriftini stendur:
"Kjøt verður brúkt. Tú gert vatnið klárt. Tú koyrir fínkornut salt, turkað bygg korn, leyk, Persiskan skalottuleyk, og mjólk í. Síðan knúsir tú purru og hvíttleyk, og koyrir í.”
Men tað er ógjørligt at spyrja kokkin, um hvørjir lutir mangla í uppskriftini. Kokkurin, sum skrivaði hesa uppskriftina niður á sinni, livdi fyri 4.000 árum síðani.
Í staðin hevur toymið við altjóða vísindafólkum innan føðslusøgu, evnafrøði innan matgerð, og granskarar innan kílaskrift (skriftin, sum varð brúkt í Babylon av fólki, ið livdu í táverandi Mesopotamia), endurgjørt rættirnar úr hesum elstu uppskriftunum í heiminum.
Tað, sum vísindafólkini her gera, verður mett sum eitt slag av fornfrøði innan matgerð. Uppskriftirnar, sum tey royna at endurgera, eru funnar á lítlum talvum, sum í dag eru á Babylonska savninum á Yale Universitetinum. Vísindafólkini vilja endurgera matuppskriftirnar, fyri at fáa eina betri fatan av gomlu mentanini - og tað brúka tey altso smakksansin til.
- Hetta er sum at endurskapa ein sang; ein einstakur tóni kann gera allan munin, sigur Gojko Barjamovic, serfrøðingur innan Assyrologi á Harvard Universitetinum.
Lítlu talvurnar eru úr økinum, har gamla Mesopotiamia var, - har partar av Irak, Sýria og Turkalandi eru í dag.
Tað skrivar BBC í dag.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur