Nýtt “ Gistingarhús á Mølini ” í Skálavík
Gott lag á borgarstjóranum, nú bygdarráðið hevur givið byggiloyvið til 1. byggistig av spennandi verkætlan, innan ferðavinnu, hjá hjúnunum Biritu og Martin Karl.
Vit hava spurgt Martin Karl Olsen, hvat hetta er fyri ætlan tey eru í holt við.
Hann sigur við R7, at ætlanin kallast “Gistingarhúsið á Mølini”. Vit skulu byggja ein bygning sum er 7m x 40m, sum skal byggjast sum eitt eittplanshús.
Hann sigur, at húsið ella lonin hevur 10 kømur á uml. 22 fermetur. Hvørt kamar hevur baðiverilsi. Í kamarinum verður dupultsong av góðari góðsku og er eitt stovuøki við einari 2 manssofu, sofaborð og einum lenistóli.
Framsíðan, sum vendur móti Mølini, er eitt glaspartí við úthurð, ið vendur eystureftir og hallið á takinum ger at høgt er til loftið á framsíðuni, leggur hann aftrat.
Tað verður vesi aftast í kamarinum og hevur hurð út vestureftir. “Gistingarhúsið á Mølini” kemur at hava tún yvir til caféina og mølina annars. Hendan lonin, hevur tí pláss til eitt nú 10 pør við 2 børnum hvør, við tað at sofan kann gerast til sovusofu.
Eg og konan, Birita eru sera spent uppá verkætlanina, sum vit kalla “Gistingarhúsið á Mølini” sigur hann við R7 í kvøld.
Vit hava ringt til borgarstjóran í Skálavík, Linjohn Christiansen og spurgt hann um ætlanina. Eg fegnist stórliga, fólkni á Mølini fingu byggiloyvi í gjárkvøldið. Hann leggur aftrat, at hetta er ikki bara ein stórur dagur fyri Skálavík, men fyri alla oynna.
Mest lisið í farnu viku
Samband
Heygsvegur 8
490 Strendur