Okkara gitingar hildu, Bill Mcleod Jacobsen skal venja Skála
R7 skrivaði í gjár, at Bill Mcleod Jacobsen skuldi venja Skála komandi kappingarár. Í morgun hevur Skála Ítróttarfelag skriva á facebook vanganum, at avtala nú er gjørd við Bill.
BILL MCLEOD JACOBSEN NÝGGJUR HØVUÐSVENJARI HJÁ SKÁLA
Bill Mcleod Jacobsen og Skála ÍF hava undirskrivað venjarasáttmála fyri 2020, og harvið er Bill settur sum høvuðsvenjari hjá Skála ÍF fyri komandi kappingarár.
Vit á Skála eru sera fegin um at kunna seta Bill í starvið. Bill kemur við sera drúgvum venjara royndum í skjáttuni, bæði frá venjarastørvum innanlands og uttanlands, umframt at Bill hevur verið landsliðsvenjari hjá fleiri av okkara ungdómslandsliðum – serliga er Bill kendur frá 10 ára tíðarskeiðnum sum U21 landsliðsvenjari í 2007-2016.
Sum ein av heilt fáum føroyskum venjarum, hevur Bill eisini UEFA Pro License venjaraprógv.
Seinastu tíðina hevur Bill havt ábyrgd av talentmenningini hjá HB, og hetta passar eisini sera væl við ætlanirnar hjá Skála ÍF, um í enn størri mun at brúka egi spælaratilfeingi, og menna teir ungu spælararnar í felagnum.
Vit gleða okkum at bjóða Bill vælkomnum undir Mýruhjalla, og síggja fram til gott samstarv.
LES EISINI - https://r7.fo/news/20791/bill-mcleodjacobsen-skal-loysa-eydun-klakkstein-av-a-skala
Mest lisið í farnu viku
Samband
Heygsvegur 8
490 Strendur
Starvslýsingar
Myndarøðir
Lesarabrøv
Savnið
Nýggjastu tíðindi
