Merkisvert náttúrufyribrigdi: "Ís egg" á strond í Finnlandi
Ís-kúlur, sum líkjast eggum, eru sæð í túsundatali á strond í Finnlandi. Merkisverdu "ís eggini" eru vorðin til orsakað av sjáldsomum veðurfyribrigdi.
Sjálvlærdi myndamaðurin, Risto Mattila, var ein av teimum hepnu, ið komu fram á "ís eggini" á oynni Hailuoto, í Botnisku víkini millum Finnland og Svøríki.
Serfrøðingar siga, at eggini eru vorðin til orsakað av eini sjáldsomum fyribrigdi, har smáir ísklumpar hava verið rullaðir runt av bæði vatni og vindi.
Risto Mattila, sum býr nærhendis strondina í býnum Oulu, sigur við BBC, at hann ongantíð hevur sæð nakað líknandi fyrr.
"Eg gekk við konu míni oman á Marjaniemi-strondina. Har var sól, og umleið 1 kuldastig. Tað var eisini rættiliga nógvur vindur tann dagin."
"Har sóu vit hetta ótrúliga fyribrigdið. Vit sóu hesi kava- og ís-eggini allan vegin fram við sjóvarmálanum."
Mattila greiðir frá, at ís-eggini fyltu eitt øki uppá uml. 30 fermetrar. Tey minstu eggini vóru á stødd við vanlig høsnaregg, meðan tey størstu vóru áleið líka stór sum fótbóltar.
Hann hevur ongantíð sæð nakað tílíkt fyrr, øll tey 25 árini hann hevur búð á oynni. Tí mátti hann sjálvsagt taka eina mynd, tá tey komu fram á øll "eggini" á strondini.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur