Rák hevur vitja viðgerðarstovuna Bailine Tórshavn. Tey bjóða nógvar ymiskar alternativar heilsufremjandi, pínulinnandi og kosmetiskar viðgerðir. 

Tosað verður við Elinborg Johannesen, sum hevur rikið Bailine í 12 ár. Í sendingini verður farið í smálutir við onkrum av viðgerðunum hjá Bailine. 

Verturin, Annika Bolton Mortensen, royndi eina Bailine viðgerð við elektriskari stimulering av musklum. Vit hoyra um viðgerðina,  hvørjir ágóðar eru av henni og at fólk fáa hesa viðgerð fyri ítróttarskaðar, ryggtrupulleikar, arbeiðsskaðar, lammilsi, at klænka, lymfedrænage v.m.

Vit hoyra eisini um infrareyðan sauna, um útreinsan og kostætlanir, um Body SDS massagu við Kenneth Ellefsen, at til ber at fáa hypnoterapi og kunstterapi hjá Bailine og at ein natúrlækni vitjar javnan og bjóðar nógvar ymiskar viðgerðir - vegatest, zoneterapi, viðgerð við lasarum, irisanalysu og homøopati.

Sendingin er partur av eini røð av útvarpssendingum um alternativar heilsufremjandi- og sjúkufyribyrgjandi viðgerðir, sum eru at fáa í dagsins Føroyum.

Rák er á R7 mikudagar kl. 13.