Maðurin, sum politiið varð biðið um at leita eftir í september oktober mánaða er framvegis ikki funnin.

Maðurin, Bastian Porée, sum er úr Fraklandi fór umborð á Norrönu í Seyðisfirði tann 20. februar. Hann er komin í land í Føroyum, men hvarv tveir dagar seinni. 

Sambært Kringvarpinum veit politiið, hann hevur verið her, tí hann hevur tikið pengar út í Føroyum við gjaldskorti. Politiið sigur, at maðurin er ikki farin úr Føroyum við nøkrum fari, skipi ella flogfari, sum plagar at flyta fólk úr Føroyum.

Bastien Porée, er fyrst í tríatiárunum. Hann er 182 sentimetrar høgur, klænur, hevur blá eygu og piercing í høkuni og í høgra oyra.

Politiið hevur fingið fráboðan um, at familjan hjá Bastien Porée ikki hevur hoyrt frá honum síðani síðst í januar í ár og ein vinmaður hansara hevði samband við hann síðst í februar, skrivar KvF.