Á bindiskeiði hjá Sýran Design ber til hjá ættarliðunum at læra at binda saman.

Á heimasíðuni stendur, at tað ongantíð er ov tíðliga - ella ov seint - at læra nakað nýtt. Hjálpa hvørjum øðrum, saman flenna at feilunum og læra av teimum. Skapa tykkara egna til tykkum sjálvi og til tey, sum tit eru góð við. 

Á skeiðnum læra tit tað grundleggjandi innan binding, at kasta uppá, taka inn og út, læsa av og hefta endar. Einfalt í fyrstuni og gerst stig fyri stig meiri avbjóðandi, so sum tað passar tykkum. Týdningarmikið er at binda heima, so tit fáa venjing og koma longur á leið. Tit læra at lesa einfaldar uppskriftir, vaksa og minka um plaggið og binda einfalt mynstur og snar. Eisini verður greitt frá um litir, tilfar og samansetingar, so tað verður lætt at skapa pløgg og lutir, sum tit halda vera vakrir og hava hug at brúka beinanvegin. 

Tað ber til at lesa meira um skeiðið HER