Vakthavandi á brúnni misskilti støðuna og fekk onga hjálp. Tað er ein av yvirskriftunum, nú norska Skaðanevndin hevur lagt frágreiðing sína fram um, tá norska fregattin, Helge Inge, stoytti saman við stóra tangaskipið, Sola TS, og sakk. 

Skaðanevndi vísir á eina røð av viðurskiftum, sum gjørdu sítt til, at tað endaði við samanstoyti. Ein orsøk skal vera, at manningin á brúnni hevði fingið ov lítla upplæring.

Grundin til vantandi upplæringina á brúnni skulu vera sparingar - og mangul uppá navigatørar í sjóverjuni.

“Samskipan, leiðsla og samstarvið á brúnni var ov vánaligt, og vakthavandi á brúnni var ungur og hevði avmarkaðar royndir. Og hini á brúnni hjálptu ikki unga yvirmanninum við t.d. at fylgja við støðuni á radaranum. Viðkomandi, sum skuldi hava útkikk í stýriborð, hevði ein matarsteðg bara tveir minuttir áðrenn samanstoytin,” stendur millum annað í frágreiðingini hjá norsku Skaðanevndini.