Ein góð mynd av gamlari føroyskari siðvenju, sum enn livir sítt fríska lív, er mynsturbinding. Hetta síggja vit allarbest tá føroysk børn fara í skúla fyrsta dag, í heimabundnari troyggju við siðbundnum mynstri.

Nógv vilja siga, at nøkur ávísa mynstur eru føroysk, og at tey finnast í mynsturbókunum úr seinastu øld.
At mynsturbinding er mentan, er víst, og flestu lond hava ávís mynstur ella bindingarháttir, ið tey siga er teirra lokala mentan, m.a. tosa vit um føroysk, íslendsk ella norsk mynstur.

Hetta er eitt spennandi og kreativt økið at ferðast inn í, og ikki minst at granska í. Vit í Føroyum eru heppin, tí okkara ommur og mammur hava borðið kunnleikan um mynstur víðari frá teirra møðrum, men eisini tí vit hava haft vís fólk, ið dugdu at síggja virðið í at varðveita ein so týðandi siðaarv, sum mynsturbinding.

Ein av hesum var Hans Marius Debes, skræddari úr Gjógv, ið livdi frá 1888-1978. Hann gav í 1932 út bókina Føroysk bindingarmynstur. Hon var útgivin aftur í 1949 og í 1969. Fyri kortum var ein banda samrøða við hann í Kringvarpinum, har hann millum annað greiddi frá hvussu bindingarbókin kom í lag, og um hansara áhuga fyri mynstrunum. Arbeiðið hjá Marius at savna inn siðbundin mynstur, hevur stórt virðið fyri føroysku bindingarmentanina.

Mynsturbinding er ein av táttunum, ið Spinnaríið Mona fer at taka upp. Tað eru nøkur, sum granska í hesum evni, tí er tað bæði spennandi og týdningarmikið, at fáa víst hetta fram, men ikki minni spennandi, eru tær mongu søgurnar um føroysk mynstur, og tær ætla vit at siga frá.

Stuðla verkætlanini Spinnaríið Mona, um tú eisini heldur at hetta er vert at arbeiða við - www.hopfigging.fo/project/view/13